Ավտոմեքենայի նախապատրաստում ճամփորդությանը

Ճամփորդում ենք ավտոմեքենայո՞վ

Վերջապես արձակուդներն են: Քանի դեռ դուք հանգստանում եք, ձեր ավտոմեքենան ստիպված է հաղթահարել տարբեր դժվարություններ:  Ծանրաբեռնվածությունը, բարձր արագությունը, շոգ եղանակն ու երկար իջեցումները ստեղծում են հսկայական լարվածություն ոչ միայն արգելակների համար: Որպեսզի վստահ լինեք, որ ձեր ավտոմեքենան ձեզ ողջ և առողջ կհասցնի նշանակված վայրը , մինչ ճանապարհ ընկնելը անհրաժեշտ է ուշադրություն դարձնել  հետևյալ երևույթների վրա`

• Անվտանգ երթևեկության, վառելիքի օգտագործման և անվադողերի մաշվածության կրճատման համար ճնշումն անիվներում պետք է համապատասխանի ավտոմեքենայի առավելագույն ընդանուր ծանրաբեռնվածությանը: Փնտրեք համապատասխան տեղեկատվություն բաքի ծալվող կափարիչի ներսի հատվածքում գտնվող օգտատերի ձեռնարկում կամ անիվների շահագործման մեր հանձնարարականներում:
• Մի ծանրաբեռնեք ավտոմեքենան, որը կհատի ավտոմեքենայի փաստաթղթերում նշված սահմանը:
• Ստուգեք ամբարձիչի, գործիքների հավաքածուի, վթարային կանգառման նշանի և  դեղարկղիկի վիճակը, անհրաժեշտության դեպքում փոխարինեք դրանք:
• Ստուգեք դիմապակու մաքրող միջոցի մակարդակն ու հակասառուցիչը:
• Ստուգեք յուղի մակարդակն ու անհրաժեշտության դեպքում լրացրեք:

Ինչպե՞ս լավ սարքավորել ավտոմեքենան

Դուք երբևէ մտածե՞լ եք այն ուժի մասին, որն առաջանում է ավտոմեքենայում կտրուկ կանգառման կամ վթարի դեպքում: Այդ ժամանակ այս ու այն կողմ թռչող իրերը կարող են ուղևորներին լուրջ վնասվածքներ հասցնել: Այդպիսի իրավիճակներից կարելի է ամբողջությամբ խուսափել, եթե ավտոմեքենայում ուղեբեռը տեղավորելիս հետևեք մի քանի կանոնի`

• Ծանր իրերը պետք է տեղավորել բեռնախցիկի հատակին անմիրապես նստատեղի ետևում:
• Եթե միկրոավտոբուսներում կամ ընտաանեկան մեքենաներում  բացակայում է կոշտ միջնորմը, ապա երբեք մի տեղավորեք ուղեբեռը նստատեղից ավելի բարձր դիրքում:
• Փորձեք չթողնել բաց տարածքներ և տեղավորեք իրերը որքան հնարավոր է միմյանց մոտ:
• Ամրացրեք բեռը կամ կիրառեք ոչ սահող գորգեր:
• Վստահ եղեք, որ ոչինչ չի խողընդոտում վարորդի տեսանելիությանը:
• Վթարային կանգառի նշանը և դեղարկղիկը մշտապես պետք է լինել հեշտ հասանելի:

Ի՞նչ կարևոր երևույթներ պետք է հաշվի առնել ավտոմեքենայի տանիքին կամ ետին մասում ուղեբեռ տեղափոխելիս

Երկար արձակուրդներ, փոքր բեռնախցիկ` եթե ավտոմեքենայում չի բավարարում տարածությունը, մեքենայի տանիքի վրա կամ ետին մասում տեղակայված բեռնախցիկը կարող է լինել խնդրի լուծում: Սակայն ուղեբեռն անհրաժեշտ է պատշաճ կերպով ամրացնել, որպեսզի ճանապարհին ոչինչ  չկորցնեք: Մշտապես անհրաժեշտ է հաշվի առնել հետևյալ կետերը`

• Ավտոմեքենայի տանիքում ուղեբեռը տեղավորելի երբեք մի անցեք մաքսիմալ ծանրաբեռվածության մակարդակը:
• Տանիքում անհրաժեշտ է տեղավորել միայն ամենաթեթև բեռը։
• Հիշեք, որ լրացուցիչ կշիռը փոխում է ծանրության կենտրոնն ու ազդում է ավտոմեքենայի կառավարման վրա:
• Եթե ավտոմեքենայի ետևում ամրացված բեռնախցիկը փակում է ետին մեծ լուսարձակները, ապա համոզվեք, որ նրանում կա լուսավորման սեփական աղբյուր:
• Ուղևորության ժամանակ մշտապես ստուգեք ավտոմեքենայից դուրս գտնվող ուղեբեռի ամրակցման որակը:

​

Ինչի՞ մասին է պետք մտածել ֆուրգոնի բուքսիրման ժամանակ

Սեփական ավտոֆուրգոնի օգտագործումը իդեալական լուծում է այն դեպքում, եթե դուք ցանկանում եք ունենալ հնարավորություն կանգ առնել այնտեղ, որտեղ ցանկանում եք: Բացի հարմարությունից` ֆուրգոնը նաև տարածք է ուղեբեռը տեղավորելու համար`

• Հնարավորության դեպքում ամրացրեք ուղեբեռը ամրակցման փոկերի կամ ոչ սահող գորգերի միջոցով:
• Մշտապես դասավորեք ծանր իրերը կենտրոնում` ավտոմեքենայի շարժման օպտիմալ կայունության և արգելակման արդյունավետության նպատակով:
• Կառավարեք ավտոմեքենան որքան հնարավոր է զգուշորեն` հաշվի առնելով առավել երկար արգելակման ուղին և քարշուժի նվազումը:
• Եթե ֆուրգոնը շարժվում է, թեթև թողեք գազը և փորձեք պահել ավտոմեքենան և ֆուրգոնը ընթացքի ուղղությամբ, զգուշորեն թեքելով ղեկը ֆուրգոնը սահելու հակառակ ուղղությամբ:

​

Ի՞նչն է անհրաժեշտ նորից ստուգել անմիջապես ուղևորությունից առաջ

Ուղևորությունը սկսելուց առաջ գտեք ժամանակ նորից ստուգելու համար հետևյալ կետերը`

• Պատշաճ կերպով ամրացված ուղեբեռ:
• Վարորդի և ուղևորների նստատեղերի գլխատակի օպտիմալ համապատասխանեցումը:
• Մանկական աթոռակի և անհրաժեշտ բոլոր անվտանգության փոկերի ապահով ամրակցումը:
• Վերցրե՞լ եք արդյոք բոլոր անհրաժեշտ փաստաթղթերը (անձնագիր, վիզա, վարորդական իրավունք,բժշկական փաստաթղթեր, բժշկական ապահովագրություն, քարտ և այլն):
• Տեղեկացվա՞ծ եք արդյոք այլ երկրներում ուղևորության կանոնների առանձնահատկություններին (մաքսիմալ արագություն, ցերեկային ժամերին մոտակա լույսի միացման անհրաժեշտություն, վճարովի ճանապարհներ կամ թունելներ և այլն):

​

Աղբյուր՝ www.boschcarservice.com