FAG

www.fag.de

FAG (FAG Kugelfischer Georg Schafer AG, Schweinfurt, Germany) ընկերությունը հիմնադրվել է 1883թ. Գերմանիայում հատուկ հղկող մեքենայի համար բարձր ճշգրտություն ունեցող գնդերի առանցքակալների արտադրությամբ զբաղվող Ֆրեդերիկ Ֆիշերի կողմից: Ֆրեդերիկ ֆիշերի մահից հետո ընկերությունը գնեց գնդերի արտադրությամբ զբաղվող մեկ այլ արտադրող` Գեորգ Շաֆերը, այդ ժամանակ էլ ստեղծվեց ընկերության անվանումը:

Այսօր FAG-ը հանդիսանում է մեքենաների, ծանր արդյունաբերության, հաստոցաշինական և մեքենաշինության ամենատարբեր ոլորտների համար գնդաձև և անվիկավոր առանցքակալների արտադրությամբ զբաղվող համաշխարհային առաջատարներից մեկը: 25 երկրներում տեղակայված FAG-ի գործարաններում աշխատում է ավելի քան 18 000 մարդ:

2001թ. վերջում առանցքակալների արտադրությամբ զբաղվող գերմանական խոշոր արտադրող INA ընկերությունը գնեց ընկերության ավելի քան 90 տոկոս բաժնետոմսերը: 2002թ հունվարի 1-ից FAG ընկերությունը պատկանում է INA հոլդինգին: Դառնալով միասնական` նոր ընկերությունը դարձավ աշխարհում երկրորդն իր մեծությամբ:

FAG-ն առանցքակալների բացառիկ մատակարարն է բազմաթիվ ավտոմեքենաների համար` այդ թվում VW, Mitsubishi, Nissan, MWM և նույնիսկ Maybah: Այժմ առանցքակալների արտադրությունն իրականացվում է 63 արտադրամասերում աշխարհի տարբեր մասերում: Ընկերության շահույթը մեկ աշխատանքային տարվա համար կազմում է 2,2 մլրդ եվրո:

FAG կատալոգներում կարելի է գտնել հետևյալը` բոլոր տեսակի առանցքակալներ, կոնկրետ մոդելի ավտոմեքենաների համար առանցքակալների պատրաստի կոմլեկտներ, ոչ ստանդարտ առանցքակալներ:

Արտադրանքի որակը բացառապես բարձր է, ինչը մշտապես նշվում է ավտոսիրողների կողմից: Չնայած նրան, որ 2009-2011թթ. սկսած որոշ ապրանքներ արտադրվում են Չինաստանում, նրանց կատարման որակը բավականին բարձր է, սակայն ոչ այնպիսին, ինչպիսին որ եվրոպական արտադրամասերում արտադրվող պահեսամասերինը: Քանի որ FAG-ը հանդիսանում է ամբողջ աշխարհում հայտնի արտադրող, նրա առանցքակալները հաճախ կեղծվում են: Գնորդները պետք է ուշադրություն դարձնեն հետևյալ կետերին` տուփը պետք է լինի հաստ ստվարաթղթից պատրաստված և ունենա օրիգինալ դիզայն (կարմիրի և սպիտակի համադրություն), պետք է առկա լինեն կոդերով կպչուն պիտակներ (ստուգման համար 3 կոդ), ներսում առանցքակալը պետք է տեղադրված լինի պոլիէթիլենային տոպրակի մեջ: Ֆիրմային առանցքակալի ներքին պարույրում փորագրված կամ լազերով նշված է արտադրողի անվանումը, արտադրող երկիրը և ապրանքատեսակը: